Парвардигор гуфт, ва олам пайдо шуд,
Парвардигор гуфт, ва замину баҳр шуд,
Парвардигор гуфт, ва моҳу офтоб шуд,
Парвардигор гуфт, ва одам пайдо шуд.

  Бале, бузург аст меҳри Худоям,
  Роҳ кушодааст баҳри наҷотам,
  Ман озодам аз бори гуноҳам,
  Исои Масеҳ аст халосгарам.

Хушбахтона мард бо занаш сокин шуд.
Мор фиреб кард, Ҳавворо биозмуд,
Ба шайтон гӯш кард, одам гуноҳкор шуд.
Ӯ маргро овард, хушбахтӣ тамом шуд.

  Вале, бузург аст меҳри Худоям,
  Роҳ кушодааст баҳри наҷотам,
  Ман озодам аз бори гуноҳам,
  Исои Масеҳ аст халосгарам.

Аз ҳосил Қобил хост қурбонӣ кунад,
Барраи Ҳобил ба Худо хуш омад,
Бо мушташ Қобил додари худро зад,
Фикр надошт дар дил, рад кунад кори бад.

  Вале, бузург аст меҳри Худоям,
  Роҳ кушодааст баҳри наҷотам,
  Ман озодам аз бори гуноҳам,
  Исои Масеҳ аст халосгарам.

Халқ бадкор буданд, лек Нӯҳ Худоро хонд,
Мардум хандиданд, ки киштӣ хоҳад ронд.
Бо об Худованд заминашро пӯшонд,
Дар абрҳо ҳафтранг, нишони файзро монд.

  Бале, бузург аст меҳри Худоям,
  Роҳ кушодааст баҳри наҷотам,
  Ман озодам аз бори гуноҳам,
  Исои Масеҳ аст халосгарам.