Дүнјада чох јоллар, чох ҹығырлар вар,
Һəр јолун, ҹығырын өз јолчусу вар.
Чох ҝениш, мөһтəшəм јоллар ичиндə
Тиканлы, əлəмли, дар бир јол да вар.
Ҝетдијимиз бу јол Мəсиһ јолудур,
Бизлəри Аллаһа апаран јолдур.
Ҝөз јашы севинҹə, кəдəр шадлыға,
Гаранлыг ишыға чеврилəн јолдур.

  Бу јолу салмышдыр бизимчүн Мəсиһ
  Бөјүк əзабларла чијниндə чармых.
  Бурадан кечəрəк ону һамарламыш,
  Ганыны сəпəрəк јол һазырламыш.
  Бу јолу салмышдыр бизимчүн Мəсиһ
  Бөјүк əзабларла чијниндə чармых.
  Ардынҹа ҝəлəнлəр азмасын дејə
  Ајаг излəрини јерə сапламыш.

О јахшы таныјыр бах бу дар јолу,
Онун һəр дашына ајағы дəјмиш.
Бунунчүн бурахмыр һеч əлимиздəн,
Апарыр бизлəри кечдији јолла.
Бу јолун сонунда Өзү дајаныр,
Нур сачыб бу јолу ишыгландырыр.
Онун излəријлə биз аддымлајаг,
Бу јолда сарсылмаз, чох мөһкəм дураг.

Бу јолун сонунда ҝөзлəјир бизи,
Ачыб голларыны сəслəјир бизи.
Чағырыр јанына, јанына бизи,
Онунла бир јердə Ҝөјлəрдə олаг.
Бу јолун сонунда ҝөзлəјир бизи,
Ачыб голларыны сəслəјир бизи.
Чағырыр јанына, јанына бизи,
Әбəди раһатлыг, сəадəт тапаг.