Теңир, Сен көптөр үчүн уламышсың, А мен үчүн жашоомдун жарыгы. Сен мага Дос болгон күн ошондогу Кымбат мага, бакытым табылды! Сен өмүрүмсүң, башка бакытым жок, Сенсиз мен эчак, эчак өлмөкмүн. Сага ишенип, жарыкка келдим мен, Сенден таптым маңызын өмүрдүн. Жөлөнгүм келет Сага, Теңир, бекем, Сен күнөөкөргө тынчтык бергенсиң. Бирок шайтан жүрөктү жаралантат, Ошондо, Ыйса, мага керексиң. Күнөө менен күрөштө аз таянып, Кечир, Ыйса, кейитсем Өзүңдү. Кайра чыйыр жолуңду издеп табам, Суранам, калтырбачы өзүмдү. Кайгы басып, жалгызсыраймын чөгүп, Көрбөй калсам Өзүңдү алдымда. Суранам, Теңир, алыс кетпесеңчи, Мен үчүн жүрөгүмсүң кагылган. Ыйса Теңир, Сенде менин үмүтүм, Колуңду бер мага сүйүү менен. Коркунучтуу жолдон жетелеп өткөр, А мен жашайын бир Өзүң менен.Зулмәтни Йорутқучи Cóż to w cichych chwilach nocy tḥt ạlṣlyb Он Господь Он Царь царей Il nome mio Счастлив я грехи мне прощены hạfḍl ạ̉ṣly Един ден, о, Боже само Aunque ruja la tormenta Con letras de oro escrito está
Song not available - connect to internet to try again?