Туӣ, Парвардигоро, ҳофизи ҷонам; Туӣ ишқам, Туӣ нерӯи имонам. Ҳаросон нестам аз ҳамлаи душман, Туӣ ҳамвора дар ҳар ҷо нигаҳбонам. Таваккал бар Ту дорам дар ҳама аҳвол, Ҷуз ин ҳар чизро беҳуда медонам. Ман аз торикии шабҳо наметарсам, Туӣ дар тирагиҳо нури рахшонам. Зи ноҳамвории роҳҳо наметарсам, Ту ҳатто раҳнамоӣ дар биёбонам. Агар аз хона берунам бияндозанд, Ба сӯи Ту саманди ҷон ҳамеронам. Даруни хонаат бигзорам, эй маъбуд, Ки бинам ман ҷамолатро ба чашмонам. Ту Худ гуфтӣ, талаб бинмо Маро ҳар бор, Талаб дорам Туро аз умқи виҷдонам. Мадад фармову дастам гир дар сахтӣ, Туро дар ҳар куҷо ман таҳти фармонам. Худамро мекунам қурбон ба роҳи Ту, Бароят ман суруди шукр мехонам. Худовандо, ҷамолатро талаб дорам, Карам фармову сӯи Худ фаро хонам. Агар бебаҳра мебудам зи лутфи Ту, Чӣ будам бо чунин вазъи парешонам. Ҳидоят кун маро бар роҳҳои рост, Ки аз норостиҳо сахт нолонам. Ту неку неккирдорӣ, Худовандо! Ман аз некӯият шодобу хандонам. Дари бахшоишат бикшо ба рӯи ман, Ту, эй яктои беҳамтои давронам. Худовандо, ҳамехоҳам зи дарборат, Қабои раҳмату имон бипӯшонам.感谢耶稣预备你 Ааваа Та миний амьдралын Эзэн shàng dì yǒu dà néng Hvilken mektig Gud أراك بالإيمان ۅزۉڭۅ تەڭىر جاقىندات مەنى Sem pospešte, nemeškajte Няма по-добър и верен от Исус Сегодня вспоминаем мы смерть Твою Господь Joie au ciel
Song not available - connect to internet to try again?