Эҥ ле озо Кудай болгон, Бойыныҥ Сӧзиле телекейди јайаган. Эр кижи ле ӱй кижини Бойына тӱҥейлеп Ол бӱдӱрген. Кудай кижиге ончозын берген, Кунукпас јӱрӱмди Ол сыйлаган. Је бир катап јайалган улустар Бойыныҥ алдынаҥ јӱргӱлеп баштаган. Кыйын-шыралу, кинчектӱ јӱрӱм Кижини башкарып, Кудайдаҥ ырааткан. Кудайдыҥ сӱӱжи олорго ӧчпӧгӧн, Кудайды сӱӱген јарчылар табылган. Јер ӱстине Аргадаачы келерин, Кудайдыҥ Сӧзин кееркелеп айткандар. Ол Аргадаачы - Иса Кудай, Ойгор санаалу, агару јӱрӱмдӱ. Аштаган улусты азырап јӱрген, Оору-јоболдоҥ јазып јӱрген. Кара тындарды улустаҥ сӱрген, Чындык јӱрӱмге ӱредип турган. Је улус башчылар, кӱйӱнӱштӱ јӱректеҥ Кереес агашка кадап ӧлтӱрген. Улу кайкал телекей ӱстинде: Ӱчинчи кӱнде ӧлӱмди Ол јеҥген. Иса Кудай балдарына ачылган, Улу јакылта олорго Ол берген. «Бу мениҥ сӱӱжимди - Сӱӱнчилӱ јарды Эл-јондорго барып јарлагар». Бӱгӱнги јетире Сӱӱнчилӱ Јары Калыктар ортодо кӱчтӱ јарлалат.كل يوم تحت صليبك mḥtạjyn lk اللي جوه روحك Jesús me satisfaz liàn jìng wǒ Cuando estamos juntos alabando Il Padre della creazione ạ̉nạ kẖạyf Sәninәm Mәn Megjelent egy fürtös gyermek
Song not available - connect to internet to try again?