Chisʋs okʋt pin Chitokaka yoke; Himak a̱ eho hoyashke; Hʋpi chu̱kʋsh a̱ mominchi pulla hosh, Pit iloh im ilbʋshashke. Chisʋs okʋt ʋba pi̱ Mi̱ko yoke; In tʋshka e toyubakmʋt, Ai a̱hli biekʋt, achunanchi hosh, Il im antia pullashke. Chisʋs okʋt pi Okchalinchi yoke; Hatak yoshoba pia kʋt, Na̱ pi Okchalinchi ilʋppak oka Il anukcheto pullashke. Chisʋs okʋt na̱ pi Apela yoke; Hatak ilbʋsha pia kʋt Il okpʋnit e taiyahli tuk kia, Falamʋt il im onashke. Chisʋs okʋt pin Tikba-heka yoke. Il iakaiya hokma o̱, Ai ahanta holitopa fehna 'no Pisht ona he bano hoke. Chisʋs okʋt pi Pehliechi yoke; Eho holitobli pullʋt, Na̱ pim apihi̱sa tok moma hoka Iloh aiokpahanchashke. Chisʋs oka il Aiokcha̱ya yoke Yʋmohmi ak inli kia, Kil i̱ yimmot, peh e shitilemakmʋt Ilbʋshʋt pilla hi oke. Chisʋs okʋt, "Okhissa sia hoke; Ʋno ʋm a chukowakmʋt Okcha̱ya hi oke;" ahanchi tok a̱, I̱ yimmit keho chukowa. Chisʋs ʋt Hina hanta a̱hli yoke; Micha Aiokcha̱ya yoke; Yʋmohmi hoka il i̱ hullo fehnʋt, E halʋlli puyullashke. Chisʋs ʋt na̱ pim Apesa he mak o̱ Itikba il ona chi̱shke; Nana puta pim ʋlhtaiyaha tukma Pi okchalincha hi oke.ТИ ПОБЕДИТЕЛ СИ Божественным крылом любви Твоей Наздик шавам бар Ту, наздик шавам! عرس الحمل ส่งการฟื้นฟู Сән - мениң Худайим KAN I TEL VE HNGA MAW? МӘН БИР ҜҮНАҺКАР เราบูชาพระนาม ạ̉wạny mn kẖzf
Song not available - connect to internet to try again?