Eo an-kavanan-dRay Hianao, Ry Zanakondry ô ! Kanefa loza mahamay No niaretanao. Ny henatra aman-kelokay Nihatra taminao ; Nivesatra ny otanay No nahafatesanao. Ry Zanakondry masina Nijaly an-tsitrapo, Teren'ny fitiavana Hanala otako ! Ny tongotra aman-tananao Dia voafantsika ; Ny gadranay dia tapakao, Izay dia afaka. Vahoaka alinalina Mitafy fotsy erý, Ka samy miramirana Mahita an'i Kristy. Ny hira fihobiana Manakoako ao, Maneho fa navotana Izao tontolo izao. Indreo ny vahoakanao An-tapitrisany Mitondra ny Anaranao Eo an-kandriny. He ! toy ny rian-drano be Ny fiderana Anao, Voasokatrao ny lanitra Ho an'ny olonao. Misaotra Anao izahay, ry Ray Izay navotanao, Natolotrao ho solonay Ny Lahitokanao. Ry Zanakondry, Avotray, Derainay Hianao, Derainay ho mandrakizay Ny fitiavanao !ثبت إيماني El Mundo Entero Es Del Padre Blíž, ku Tebe blíž, poznám Ťa, Pane Գեղեցիկ է Անունը Քո Let God arise Sto per tornare Ким дуярса Иса'йъ جهز ربي نفوسنا وسى جالعان دۇنيەدە اي ٴومىر سۇرگەن ٴار پەندە God Himself is Present
Song not available - connect to internet to try again?