He, sambatra ny navelanao Ny helony, ry Jehovah ! Ny otany voasaronao, Ka tsy mba isaina koa ; He, sambatra ny mahitsy fo, Fa azy ny lovasoa. Ny fo nony nampaginiko, Ny heriko nihalany ; Ny ota izay nafeniko No dia nahatonga izany, Ka ketraka ny fanahiko, Nisento sy nitomany. Ny otako dia nambarako, Niantso ny Tompo aho, Niaiky ny fahadisoako, Nivalo sy nitalaho, Ka dia nomeny indrafo, Mba ho afa-keloka aho. Jehovah no fialofako Sy manda miaro ahy ; Ny rano, na dia tondraka, Dia tsy hahatratra ahy ; Ny hobin'ny afa-keloka No ampihirainao ahy. Ry olon'Andriamanitra, Vonjeo ny andro soa, Ny otanao izay miafina, Itsorinao avokoa ; Raha mita ilay ony maizina, Dia aronao ny Tsitoha.Nu va fi belşug de-a pururi Cikin Raina Ga Wahala, Hutu Na Ke So لولا موت الصلب O come Dotknął mnie dziś Pan Душа твоя открыта предо мной Sen Göksel Babasın HOSANA HO AN'NY ZANAK'I DAVIDA Kel baýyrlarym tanystyraıyn Miłosiernym bądź dla brata
Song not available - connect to internet to try again?