Himak a nitak fehna ka,
Okla eho moma hokʋt
    Chisʋs fehna hona,
Im anumpa holitopa
Nana isht ilaiyukpa he
    E haklo pullashke.

Ʋba Pi̱ki Ushi yokʋt
Pi̱ nukha̱klo fehna hocha
    Hʋpi hoho̱yoshke;
Himonasi fehna kʋno,
Et pi pesʋt, pi̱ nukha̱klot,
    Yak pim ahanchishke:

"Himak a nitak fehna ka,
Ʋm anumpa hanta hoka
    Chi yimmi pullashke:
Ʋno ak osh hʋchi̱ hullot
Chi okchalinchi la chi̱ kʋt
    Ʋm ʋlhtaiyahʋshke."

"Ʋno ak osh hʋchi̱ hullot,
Hʋchi okchalinchi lashke;
    Aiahni li kato;
Ʋba aholitopa ya̱,
A̱ki shakpa pohloma ma
    Minti li tok oke."

"Yakni ilʋppa ʋla lish,
Chi ʋlhtobʋt issikkopʋt
    Sʋlli hʋttok oke.
Si a yʋmohmi tok okʋt,
Chi okchalinchi la chi̱ kʋt
    Ʋm ʋlhtaiyahʋshke."

"Yʋmohmi ka ʋno ak o̱
Hʋs si anukchietashke:
    Hʋsh yʋmohmi tukmʋt,
Sa shakba pohloma hoka
Fohkʋt, hʋsh ai ahanta na
    Bilia hi oke."