Hər tərəfi bürümüşdür qaranlıq, Ağlamaq səsi Qolqotaya yayılmış. Qorxunc bir vahimə çökmüşdür ətrafa İnsanlar sanki qorxudan bayılmış. Onlar döyürdülər öz sinələrini, Vicdanları oyanmış bu mənzərədən. Yüzbaşı çaşaraq çarmıx önündə «Bu saleh insandır», - dedi ürəkdən. Heç kəs bilmirdi ki, taxta çarmıxda Allahın Oğlunu dara çəkiblər. Özləri hökm verib öz əlləri ilə Hakimi çarmıxa mismarlayıblar. Çarmıxın yanında kədər içində Durmuşdu qadınlar gözləri yaşlı. Ölüm acısını çəkən ana da Hələ dərk etmirdi bu yüksəlişi. Böyük əzablarla baş-başa qalıb Günahı, lənəti çarmıxa çalmış, Ona iman edən hər bir insanı Müqəddəs Qanıyla O, satın almış. Ancaq tuta bilməz ölüm heç zaman Hər şeyə Ruh verən, Həyat verəni. Kim tapa bilərdi o daş məzarda Üçüncü gün Ruhun diriltdiyini. Bəli, dirilibdir üçüncü gün O, Qələbə çalıbdır ölüm hökmünə. Dirilib Allahın Oğlu, dirilib, Oxuyur Göylər, yerlər izzət İsminəJESUH ZUMH CU A NUAM Humíllate Свят свят Господь Севги беринг (анъанавий) Ty nám dávaš dary ماشي معاك انا مش ندمان Бо Худо дар худ зиндагӣ кунӣ КАСБУ КОР Un canto I giorni dell'uomo
Song not available - connect to internet to try again?