Jeso ampio izahay mba handresy ! Ny fahavalo mamely anay ! Indro, ny aizina tsy mbola resy ; Ary Satana mamandrika anay, Ka mba omeo anay ny mazava, Hampahasahy anay lalandava. Jeso ampio izahay mba handresy ! Kely finoana re izahay ; Kivy matetika, mila ho resy ; Aoka ny herinao homba anay ; Dia hatoky izahay, ry Mpandresy Fa ny devoly dia ho voasesy. O, ry Mpandresy, arovy ny ainay ! Ady mafy hiseho izao ; Ka mba tohany hatoky ny fonay ! Dia hiainga hanaraka Anao ; Na dia loza ny herin-tSatana, Sahy izahay, Hianao no mitana. Ampandreseo izahay, ry Mpamonjy ! Ka raha vita ny ady atý, Dia ho isan'izay voavonjy, Ary ho faly sy tretrika erý ; Tsy mba hitsahatra intsony ny hoby Hankalazana Anao, ry Mpamonjy.Ao ambony ny lapan'ny Ray Rab kutsalsin rab yucesin rab sen iyisin Náš Pán, ja túžim Сән шуни билгинки әзиз дост! Благословляй моя душа ạmsk ạ̹ydy̱ La sua grazia Балапаным, қайырлы түн! Jeśli jesteś dziś szczęśliwy Na kolanach
Song not available - connect to internet to try again?