Mba iraho ny Fanahy, Ry Jesosy Tompo ô ! Mba hanampy sy hitahy Ny mpiasa irakao. Tany mafy no asaina, Nefa kely izahay ; Marobe no tsy misaina Raha itorianay ! Tanteraho re ny toky, Izay nomenao fahizay. Ka mombà anay mpitory Mandra-podi-mandrinay ! O, ry Masoandron'aina, Hazavao ny namanay, Mba fafazo andon'aina, Fa efa toy ny tany hay ; Tapa-kazo no hajainy, Ka tsy fantany ny To ; Feno aizina ny sainy, Efa momoka sy lo ; Ny sikidy mahavery No ataony solonao, Sampy vato, hazo kely No hajainy toa Anao. Averenonao ireny Mba ho tonga olonao ; Tadiavo tsy ho very, Raiso re fa lovanao ! Entonao ny famonjena Ka ovay ny fony izao ; Aoka hisy sesehena Ny hanaiky ho Anao ! Dia hiova re ny tany Ka hanjary lonaka, Ary hisy voa mamy Izay ho tena vokatra. Aoka re mba tsy ho rava Ny mazava hitanay ! Mba handroso lalandava Ny anjara asanay, Mba ho dera aman-daza Ho Anao, ry Tomponay ! Hatanjaho ny mpiasa, Dia tsy mba hety fay ; Aoka re ny olo-mino Mba hamory ho Anao, Ka hitombo be ny mpino Hiandany Aminao.Zważonyś przed Panem Инмаре уть монэ Инмаре уть Ամեն օր, Հիսուս Я слышу музыку далекую с небес Иса Месих инди дюня'я الدني كلا خطوط fḍlt ạmtlk yswʿ Dio conosce ogni cosa KHAMHBAWI NIH A KAN HRUAI LAI Let us pray for our children
Song not available - connect to internet to try again?