(Maintimolaly) O, fitiavan-dalina, Nasehonao ilay alina Izay namadihana Anao, Ry Jeso, fototr'aim-baovao. Mangoraka erý ny fo, Sy ory ny fanahiko , Raha mba tsaroako izao Ny loza izay nanjo Anao. Fadiranovana Hianao, Nangotraka ny adinao; Ny dinitrao nanjary ra Noho ny fahoriana. Izany niaretanao Noho ny fitiavanao, Ka nentinao ny heloko, Izay tokony ho nentiko. Namita fanekem-baovao Ho famonjena Hianao , Nasianao kase izay Maharitra mandrakizay. Misaotra Anao ry Tompo ô ! Fa ravo ny fanahiko Handray ny fanomezanao Eo amin'ny latabatrao. Ny teninao inoako, Ka raisiko ho ao am-po ; Ny zava tsoa atolotrao Dia ranao sy ny tenanao. Ry Jeso, amboaronao Ny fonay ho fonenanao, Ka Hianao ho tianay Izao sy ho mandrakizay.Můj Pán mne volá Гирди ҳам биёем Wiem, że Jezus przyjdzie Иса Диридир mn wyn yyjy Rab İsa’da zafer var Что я могу без Тебя إنت لمين ؟ Kdo Páně zhrdá pozváním Бог есть Любовь
Song not available - connect to internet to try again?