Sai okcha̱yʋt yakni ilʋppak oka
Ai ahantʋt ak bilio nana kia,
Ulhpiesa ak inli, an Chihowa ya̱
Ak im ono kashke, aiahni la wa.
Ʋba yakni ya̱
Afoha ai a̱hli ya̱ ona lashke.
Yakni ilʋppa aiokcha̱ya yokʋt
Chekosi fehna a hlopuhunlishke;
Chekosi ai illi il oho̱nʋshke;
Yohmi hoh kia ʋm ʋlhpiesʋshke.
Ilʋppa ai ahanta li hokʋto,
A̱ nukha̱klot a sʋlbʋsha biekʋt
Sa nishkin okchi a yanahanli hosh,
Nitak moma ahanta li hokʋno.
A si yakohmit ahanta li hoke;
Yʋmohmi kia ʋlhpiesʋshke:
An Chihowa ya ak im ono kashke,
Aiahni nana hosh ahanta la wa
Im ona la he mak o̱, an Chisʋs ʋt
Iti 'taiyukhʋna ahonaha̱hlʋt,
Na̱ palʋmmi achinto pihi̱sa hosh,
Sa chumpa mak osh illi hatuk oke.
Im ona la he mak o̱, an Chisʋs ʋt
Ʋba yakni ai ahanta la he ma,
Nan u̱ha kʋno ʋm ataiyahli cha
Falamʋt ʋba ya̱ ia tok oke.
I̱ yimmi a̱hlit anukchieto hosh
Immi holitopʋt ahanta lashke;
Nan u̱ha kʋno im ai a̱hli li hosh
Afoha a̱hli pisa li pullashke.
Ʋba yakni yokʋno ona likmʋt,
Klaist, Saint, micha enchil ʋhleha moma
Ai itin takla binet taloho̱wʋt,
Na̱ sa yukpa mʋto a bilia he. Track 7 آدي قلبي Yoʻl, Haqiqat va Hayot Utešený nám deň nastal Nie szczycę się Cu nerabdare astep ziua ให้ทุกสิ่งที่ยังหายใจ mdẖ qd qblt sydy JERUSALEM, MY HAPPY HOME يارب من غيرك يقدر يعزيني Printed from https://worshipleaderapp.com
Song not available - connect to internet to try again?