Sirlarimni Senga aytdim Xudovandim, Tingla meni men gunohkor oʻgʻlingdurman. // Tanam hokim boʻlmoq istar jon ustidan, Bu kurashda men bemajol oʻgʻlingdirman. // Tanam deydi dunyoga ishq bogʻla koʻngil, Kayf safola dimogʻingni chogʻla koʻngil. // Xaschupni qoʻy oʻylagin ul tola koʻngil, Menga boqsang bir ziyonkor oʻgʻlingdirman. // Ruhim aytar Xudoga tik boqma doʻstim, Manmanlikning nishonini taqma doʻstim. // Vasvasalar daryosiga oqma doʻstim, Ikki qirgʻoq boʻylab bedor oʻgʻlingdirman. // Rabbim aytdi birodaring tovonin oʻp, Iso Masih degan ogʻir zabonni oʻp. // Menchi ayblab yurdim uni koʻzimda choʻp, Netay Ota men badkirdor oʻgʻlingdirman. // Vasvasalar gunoh toshin otib ketdi, Gunohim koʻp yelkamga tosh botib ketdi. // Yigʻlay-yigʻlay diydalarim qotib ketdi, Sen boqmasang men holi xor oʻgʻlingdirman. // Kelgin meni tashlab ketma Muqaddas Ruh, Yuragimni gʻashlab ketma Muqaddas Ruh. // Koʻzlarimni yoshlab ketma Muqaddas Ruh, Dod deyarman,tunlar bedor oʻgʻlingdirman. // Ishonaman Sendan kelar menga najot, Va oyogʻing quchmoq uchun ikki qanot. /// Senda sevgi,Senda umid,Senda hayot, Otajonim yoʻlingga zor oʻgʻlingdirman. ///باارىنان قىمباتسىڭ، جاقىنىم، سىرداشىم Ry Jeso Tompo tsara o Isuse cand vei veni تەڭىرىم، ساعا ىراازىمىن Do cudownej podążamy chwały Куртармая Кадир O toi qui donnes la vie بىلەمىن مەن قۇتقارىلدىم yạmạ nạs Iso Qoyam mening
Printed from https://worshipleaderapp.com
Song not available - connect to internet to try again?