Sən niyə yubanırsan? İsa Məsihin səsi
Səni çoxdan səsləyir, səni çoxdan səsləyir.
Getdiyin təhlükəli, geniş yoldan döndərib
Cənnətə gedən o dar yola çəkmək istəyir.

  Sən niyə yubanırsan? Bu günahlı həyatı
  Sənə sevdirən nədir, sənə sevdirən nədir?
  Qaranlıqdan çıxaraq Nura tərəf gəlməyə
  Sənə sərhədlər qoyan anlamırsanmı kimdir?

Sən niyə yubanırsan? Xilas olmağa tələs,
Ayırd et haradan gəlir səni yatıran o səs.
Oyan, qalx, Məsihə gəl, ölümdən həyata keç,
Günahların silinsin olmasın səninçün gec.

  Düşmən bilir tövbə etsən, Məsihi qəbul etsən,
  Həyatın dəyişəcək, sıxıntını, kədəri sevinc əvəz edəcək.
  Rəbb səni qanadları altında bəsləyəcək,
  Artıq onun işləri həyatında bitəcək.
  Keçəcəkdir həyatın mehriban ailədə,
  Rəbbin xalqı içində,
  Rəbbin əli olacaq daim sənin üstündə.
  Bir vaxt iblisə əsir, günaha qul olan can
  Hürr olaraq keçəcək toxunulmaz məkana,
  Rəbbin isti, şəfqətli qanadları altına.

Çox düşünmə, ağlınla Rəbbi dərk etmək çətin,
Xilası iman ilə almaq mümkündür, sən bil.
Şübhə etmə, heç zaman sən olmazsan peşman
Dünyanın Xilaskarı - Məsihə etsən iman.

  Artıq yetər, yubanma, çox günlər itirmisən,
  Öz ağlınla yaşayıb çox şeylər itirmisən.
  Artıq yetər, dayanma, İsanın yanına gəl,
  Ürəyini könüllü Ona ver, Ona güvən.