Tsaroako dia tsaroako Raiko ô, Raiko be fitia ! Fa ny fahadisoako Nodiovinao satria Noho Jeso Mpamonjy soa, Inty izaho fa afaka, He ! azoko tokoa tokoa Ny famelana heloka. Ny aizim-pahotàna Raiko ô, Raiko be fitia ! Misolo hazavàna Mamiratra erý. Ny lalako mahitsy izao Mitory olona afaka Noho ny hery vaovao Ny famelanao heloka. Endre, ny hafaliako Raiko ô, Raiko be fitia ! Fa maivana ny diako Avy any Kalvary. Ny tahotaho-poko tao Tsy reko intsony, afaka ; An-tanako tokoa izao Ny famelana heloka. Deraiko lalandava Raiko ô, Raiko be fitia ! Ny vavako hilaza Ny vitanao tetý. Fa mbola misy marobe Maniry te-ho afaka, Ho azy ireny koa anie Ny famelana heloka.'Ku Beroleh Berkat Durerea morţii m-a cuprins Si Dios es por nosotros tạ̉ml 2 Maravillado Estoy Canta il mio cuore L'Eternel seul est ma lumière lmạ btạ̉ml nzwlk IZA NO NAMORONA ? Bolesť, ó bolesť preveľká
Song not available - connect to internet to try again?