Yor-yorlarning avval boshi, Rabbim Iso yor-yor Rabbim Iso,
Har misrasi yuragimdayo, Kalomimo yor-yoro Kalomimo.
Kalomlaring Parvardigor boʻlgay bajo yor-yoro boʻlgay bajo,
Gunohga qul boʻlganlargayo bergay najot yor-yoro bergay najot.

Qoʻlda amru-farmon bilan Iso keldi yor-yoro Iso keldi,
Elu yurtga najot olibo Iso keldi yor-yoro Iso keldi.
Rabbim qayta kelar beshak bu qanday soz yor-yoro bu qanday soz,
Uning kelar yoʻllarigayo dil poyandoz yor-yoro dil poyandoz.

Xudo Soʻzi davlat ekan, mehrim tushdi yor-yoro mehrim tushdi,
Imonli bir yigitgayo singlim tushdi yor-yoro singlim tushdi.
Singlim uchun bir umrlik baxt tilayman yor-yoro baxt tilayman,
Oltin emas, imondan taxt tilayman yor-yoro taxt tilayman.

Jon singlim, jonim singlimo omonda boʻl yor-yoro omonda boʻl,
Parvardigor qizisano imonda boʻl yor-yoro imonda boʻl.
Daryolarni yoqalab, yoqalab sor keladi yor-yoro sor keladi,
Imonini sep qilibo yor keladi yor-yoro yor keladi.

Bizdagina bozor yoʻqdir tashlab keldik yor-yoro tashlab keldik,
Imonli bir barnoniyo boshlab keldik yor-yoro boshlab keldik.
Dilbandimiz aql hushda salomatdur yor-yoro salomatdur,
Avval Xudo, keyin sizga omonatdur yor-yoro omonatdur.

Koinot Hukmdori, har bir suyganning yori,
Kelin salom beradi, ibo bilan egiladi.
// Qabul aylang avval Xudo sajdam sizga yor-yor. //
Insonlarning gultoji, boshida imon toji,
Kelin salom beradi, ibo bilan egiladi.
// Qabul aylang Rabbim Iso sajdam sizga yor-yor. //

Boʻlmaganni boʻldirgan, yuraklarni toʻldirgan,
Kelin salom beradi, ibo bilan egiladi.
// Qabul aylang Muqaddas Ruh sajdam sizga yor-yor. //
Qoʻlda Muqaddas Kalom, undan durlarni tergan,
Choʻpon qilib bizlarga Parvardigorim bergan.
Kelin salom beradi, ibo bilan egiladi.
// Qabul aylang choʻponlarimiz sizga salom yor-yor. //

Yaxshilikning yoʻlida, yaxshi niyat dilida,
Kelin salom beradi, ibo bilan egiladi.
// Qabul aylang qaynotasi sizga salom yor-yor. //
Osmondagi hur misol, oʻgitlari dur misol,
Kelin salom beradi, ibo bilan egiladi.
// Qabul aylang qaynonasi sizga salom yor-yor. //

Mahallada u oyim, duo qiladi muloyim,
Kelin salom beradi, ibo bilan egiladi.
// Qabul aylang momolari sizglarga salom yor-yor. //
Mehmon kelsa xoʻsh degan, mehmonxonalar boʻsh degan,
Kelin salom beradi, ibo bilan egiladi.
// Qabul aylang amaki, togʻalari sizlarga salom yor-yor. //

Uyimizning tiragi, hammadan ham keragi,
Kelin salom beradi, ibo bilan egiladi.
// Qabul aylang ovsinlari sizlarga salom yor-yor. //
Jamoatning sardori, kelinoyim xaridori,
Kelin salom beradi, ibo bilan egiladi.
// Qabul aylang kuyov toʻramiz sizga salom yor-yor. //

Past devordan qaragan, xizmat bormi deb soʻragan,
Kelin salom beradi, ibo bilan egiladi.
// Qabul aylang qoʻshnijonlari sizlarga salom yor-yor. //
Boʻynimdagi marjonim toʻkildi, ado boʻldi,
Ruxsat bering jon qudalar salomim ado boʻldi.
Kelin salom beradi, ibo bilan egiladi.
Qabul aylang aziz mehmonlar barchaga salom yor-yor.
Barchaga salom yor-yor.