Дилам шавқи Ту дорад, эй Худоё! Суханҳои Ту мехоҳам шунидан. Даруни хонаи нуроният ман Чӣ муштоқона хоҳам орамидан. Парастуҳои хушовозро ман Ба сӯи кӯи Ту дидам ба парвоз. // Ба гирди хонаи Ту лона доранд, Ҳама дар мадҳи номат нағмапардоз. // Хушо онон, ки ҷо доранду манзил Дар он ҷое ки ту манзил гузидӣ. // Хушо он ҷо, ки номат бар забонҳост, Касе он ҷо ғаму дарде надидӣ. // Хушо он кас, ки қувват ёбад аз Ту, Ба дил меҳри Ту дорад ҷовидона. Ба ҳар сӯ бигзарад, борон биборад, Дилаш дарёи файзи бекарона. Худовандо, Ту бар ман меҳрубон бош, Ба лутфи худ иҷобат кун дуоям. // Назар андоз бар ман, қувватам бахш, Бикун аз қайди бемеҳрӣ раҳоям. // Туро гар навкаре бошам, ҳамон беҳ, Нахоҳам қасри шоҳиро ба дунё. // Ба назди Ту агар бошам ду рӯзе, Муродам ҳосил ояд, эй Худоё! // Ту бар мо офтоб ҳастӣ, Худоё, Сипар дар рӯзҳои сахтиву ҷанг. Натарсам аз ҷафои даҳр ҳаргиз, Агар барпо шавад сад гуна найранг. Ҷалолу меҳр бахшӣ, эй Худоё, Барои мардумони росткирдор. // Ту некиро нигаҳдорӣ ҳамеша Барои бандагони некпиндор. //Golgota When we all bow down Cand Isus era pe munte Чаъръръм! Мерхамет Елини Узат Бана! Hledejte nejdřív Boží království Кудайсыз дүйнөдө мен жашап келгем Náš Bůh pevnou skálou zůstává ạ̹klylh mḍfwr Licht dieser Welt Ողջ Երկրի և Ողջ Երկնքի Տեր
Printed from https://worshipleaderapp.com
Song not available - connect to internet to try again?