Забури Довуд Таронаи 15 Маро нигаҳбонӣ намо, эй Худо, зеро ки ба Ту паноҳ мебарам. Ба Худованд гуфтам: Ту Худованди ман ҳастӣ; некӯӣ барои ман ҷуз аз Ту нест. Ба муқаддасон низ, ки дар мамлакат ҳастанд, ва ба нерумандон - тамоми иштиёқи ман дар онҳост. Кулфатҳои онҳое ки худои дигареро мепарастанд, афзун хоҳад шуд; қурбониҳои рехтании хунини онҳоро нахоҳам рехт, ва номҳои онҳоро ба забон нахоҳам овард. Худованд ҳиссаи насибаи ман ва косаи ман аст; Ту қуръаи маро нигоҳ доштаӣ. Марзаҳои ман ба мақомҳои хуш афтодааст, ва мероси зебое ба ман расидааст. Худовандро муборак мехонам, ки Ӯ маро ҳидоят намудааст; шабҳо низ ботинам маро меомӯзад. Ҳамеша Худовандро пеши назари худ мебинам, зеро ки Ӯ ба ямини ман аст; фурӯ нахоҳам ғалтид. Ба ин сабаб дилам шод шуд, ва рӯҳам ба ваҷд омад; ҷисмам низ дар осудагӣ сокин хоҳад шуд; Зеро ки Ту ҷони маро дар дӯзах нахоҳӣ андохт; нахоҳӣ гузошт, ки Куддуси Ту фаноро бубинад. Тариқи ҳаётро ба ман биомӯз: камоли шодиҳо ба ҳузури Туст, ва хушиҳо ба ямини Туст то абад.Szent vagy... mindenség Ura Ти Си радост и живот Ne Yıkar Günahımı? ماليش غيرك Съъндъъмъз Тек Бир Танръ لك يا سيدي Обыкновенных чудес, не бывает Vater im Himmel Ўзбекистоним تعليق 1
Song not available - connect to internet to try again?