నింగిలోని చందురుడా - మంద కాచే ఇందురుడా - (2) నిందలేని సుందరుడా - గంధమొలికే చందనుడా - (2) ఓ... వెన్నెలంటి చల్లని రాజా - వెన్నలాంటి మనసు నీదయ్యా - (2) ఎర్రటి ఎండ కాల్చేస్తున్నా - గాయాలు నిన్ను బాధిస్తున్నా దాహంతో నోరు ఎండిపోతున్నా - నాలుక అంకిట అంటిపోతున్నా ప్రేమతో పెంచిన - మమతలు పంచినా - నీ శ్రమ చూడలేక గుండెపగిలిన తల్లిని శిష్యునికప్పగించి - నీ బాధ్యతను నెరవేర్చినావా ? - (2) ఓ... వెన్నెలంటి చల్లని రాజా - ఎంత ప్రేమామూర్తి నీవయ్యా - (2) అందాల మోముపై ఉమ్మివేయగా - నీదు గడ్డము పట్టి పీకగా యూదులరాజని అపహసించగా - సిలువ దిగిరమ్మని పరిహసించగా అంతా సహించి - మౌనం వహించి - బాధించువారిపై ప్రేమ చూపించి ఏమిచేస్తున్నారో ఎరుగరు - క్షమించుమని ప్రార్ధించినావా - (2) ఓ... వెన్నెలంటి చల్లని రాజా - ఎంత సహనం చూపినావయ్యా - (2) లేతమొక్కలాంటి నీ దేహముపై - కొరడాలెన్నో నాట్యముచేయగా మేలే చేసినా కరుణను పంచినా - కాళ్లూ, చేతులలో శీలలుకొట్టగా అంతటి శ్రమలో - చెంతననిలిచి - చింతతో ఉన్న అతివల జూచి నాకోసం ఏడ్వవలదని - పలికి వారిని ఓదార్చినావా - (2) ఓ... వెన్నెలంటి చల్లని రాజా - ఎంత కరుణామయుడ నీవయ్యా - (2)İsa'dan başka قد علمت Өмірдің мақсаты не деп ойлайсың? Gioisci figlia di Sion Da-I povara ta lui Isus Осмондан нажот келди Спасението идва от Svätý, svätý, svätý Mutane Sun Far Yawaita a Duniya يا ابني
Printed from https://worshipleaderapp.com
Song not available - connect to internet to try again?