Аллаһа фəрјад ејлə, вардыр ҹаваб верəнин,
Иман ет, О көмəкдир, һəр ан сəнə дајагдыр.
Дуа ет һеч дајанма, вардыр сəни ешидəн,
Ону чағыранларчүн О һəмишə ојагдыр.

  Ҝүнаһ галиб ҝəлирсə, вардыр бағышлајанын,
  Диз чөк Онун јаралы ајаглары өнүндə.
  Гој Ганындан бир дамла төксүн сəнин үстүнə,
  Јусун һəр бир ҝүнаһы пешман олмуш гəлбиндə.

Әҝəр јорулмусанса , сəни мөһкəмлəдəн вар.
Әҝəр чəтинсə сəнə бу јолда аддымламаг,
Сəнин ајагларына ҝүҹ верəрəк һəмишə
Јыхылмаға гојмајан мөһтəшəм бир Гајан вар.

  Нијə тəлашланырсан, туфана, гасырғаја
  Әмр едиб дајандыран, табе етдирəнин вар.
  Руһа гејрəт, ојаглыг верəрəк Өз сөзүјлə
  Гəлбдə түкəнмəз севинҹ мəнбəји ачанын вар.

Чəтинликлəр гапыны дөјүрсə јенə сəнин,
Дəрдинə шəрик олан јахын бир Сирдашын вар.
Нə едим, неҹə едим дејəркəн тез ешидиб
Дүзҝүн мəслəһəт верəн, дүз јол ҝөстəрəнин вар.

  Чағыр һəр ан Аллаһы, ҹаваб верəн Рəббин вар,
  Инан, көмəк, дајагдыр Ону чағыранлара.
  Дурмадан дуа елə, бил вардыр ешидəнин,
  Өзү тапылаҹагдыр Ону ахтаранлара.