Ак ла карды јаадырган Ак айаска баш болзын! Амыр јӱр деп алкаган Ада Кудайга баш болзын! Јашкан карды јаадырган Јайааныска баш болзын! Јакшы јӱр деп алкаган Јайаан Кудайга баш болзын! Куба чӧлдиҥ тӱбинден Кулун јетпезе кем једер? Куйулып јӱрген јӱрӱмди Кудай билбезе кем билер? Сары чӧлдиҥ тӱбинден Салкын јетпезе кем једер? Салып јӱрген јӱрӱмим Салым билбезе кем билер? Ӧзӧккӧ јааган јаш карды Ӧксӧп чыккан кӱн билер. Ӧрӧ јашту балдарды Ӧрӧги турган Кӧк билер. Јалаҥга јааган јаш карды Јалтырап чыккан кӱн билер. Јаш балдардыҥ јӱрӱмин Јайаган Кудай ол билер. Кайран кӱӱгис эдерде, Карагай агаш јайканат. Кайракан Кудай алкаарда, Кал јӱрегим токынайт. Эдил кӱӱги эдерде, Эмил агаш јайканат. Эдим-салым алкаарда, Эт-јӱрегим токынайт. Кумак сайдыҥ ӱстине Куйругын јайган эрјене. Кутус куйун јӱрӱмим Кудай салган Кайракан. Сай кумактыҥ ӱстине Сакагын салган эрјене. Салып јӱрген јӱрӱмим Салым берген Кайракан. Кара талай тӱбинде Кармактап јетпес балык бар. Кайракан Кудай алдында Кайкап јетпес јӱрӱм бар. Теҥис талай тӱбинде Тегектеп јетпес балык бар. Теҥериниҥ алдында Теҥдеп јетпес јӱрӱм бар. Суулаган темир јок болзо, Сулук кайдаҥ келетен? Салым-Кудай јок болзо, Јыргал кайдаҥ келетен? Кайылткан темир јок болзо, Кайчы кайдаҥ келетен? Кайракан Кудай јок болзо, Јыргал кайдаҥ келетен? Алтын јӱстӱк колыста, Арба јажыс Кудайда. Мӧҥӱн јӱстӱк колыста, Мӧҥкӱ јажыс Кудайда.hyạ klnạ bạlfrḥ Ти розкажи для мене мамо Тебя так люблю я yạlly bdyt ạlrḥlẗ mʿạyạ ạ̉skn fy qlby Господь страдающих людей Сто дорог أباركك في حياتي Һаятниң тар йолида кетип баримән Гел, Раббим, сен йъка калбими
Song not available - connect to internet to try again?