Бурган-биле харылзаа мээ Эң-не херек, чугула. Амыдырал чуртталгага Сорук-күштү чорудар. Караңгы дүн уйгу чок, Дискетенип олургаш, Сеткилимни Сеңээ сөгледим: "Дүвүрелге алзыпкаш, Хинчектенип чору мен. Мени өршээп, дузалажып көр". Соңга өттүр күштүг хаттың Каржы-дошкун тыныжы. Сеткилимни шак бо кежээ Саймаарадып саргытты. Чуртталгадан чөгенгеш, Идегелим оскунгаш, Ыглап тура Сенден диледим: "Иисус, мээң Бурганым, Көрүп-билип турар Сен, Тайып ушкан Меңээ дузалаш" Утказы чок, ажыы-даа чок, Амыдырал херээ чок. Кадыг-берге хилинчектер Дужуп келзе хүлээр мен. Чүгле чаңгыс дилээмни Бурганым, Сээ сөглээйн: "Мени кагбайн, карактап көрем. Күчү-күштүг холуңну Эктим орта салгаштың, Эргеледип, мени оожуктур". Бурган-биле харылзаа мээ Чурттаарынга чугула. Ынчангаштың өөрүшкүмнү Бурганымга сөглээр мен: "Ынакшылың, Бурганым, Ылап күштүг, билир мен. Мени дээштиң өлгеш дирилдиң. Караңгыдан хостадың, Авыяастан адырдың. Ам бо хүнде амыралдыг мен".Живот отдаден на Господа mn ạlạ̉ʿmạq yạrby مِنده تَزه یورِک یارات Лойикдир Номинг Hoc zármutok trápi ma Яшам Амаджъм Сенсин ạ̉ḥbbt ạ̉n sydy يارب ما أحلى ٴبارى جاقسى بولىپ كورىندى Jézus, térdet hajtunk
Song not available - connect to internet to try again?