// Mastona yurgancha gʻayri yurtlarda, //
Unib oʻsgan oʻz yurtingdan ayrilma.
Bir maʼlum kaklikdek maʼsum umringda,
// Domga tushib qanotingdan ayrilma. //

Tavakkal et Haqqa holi diling bor,
Sabr aylagil, besabrlik ham bekor.
Har yerda ishlasang, nasibangdir bor
// Boy boʻlay deb izzatingdan ayrilma. //

Gadolarni koʻngli shohlikni istar,
Nodonni koʻngli dushmanlik istar.
Beqadrlar yolgʻon soʻzingni rostlar,
// Qadring bilgan ulfatingdan ayrilma. //

Nomardlar, muxammaslar,nochorlar,
Xomushing boʻlsa qocharlar.
Siring fosh etib, aybing ocharlar,
// Taʼlim bergan ustozingdan ayrilma. //

Kimsa qashshoq boʻlsa, kimsa boy boʻlar,
Har kishining baxtu iqboli boʻlar.
Har ne kelsa boshingga tilingdan kelar,
Maxtumquli Haq yodidin ayrilma.
// Taʼlim bergan ustozingdan ayrilma. //