Miorena mafy tsara Amin'Ilay Vatosoa, Mandrosoa, mifahara, Mifikira mafy koa, He ! ny Tompo manambara Fa ho sambatra tokoa, Ka ho tsara miafara Ny mpanompo mahasoa. Raha misy fahoriana Izay midona aminao, Raiso re ho fitahiana Izay omen'ny Tomponao ; Fa ny lalam-pijaliana Izay alehanao izao Dia mamelom-paniriana Hitomboan'ny herinao. Miadia ny ady tsara, Ho mpandresy hianao ; Tontosay izay anjara Eo am-pelatananao ; Jeso Tompo no mijery Sy mahita ny atao, Koa dia tsy mba hisy very Izay rehetra vitanao. Ry Jesosy ! hatanjaho Ity mpanolo-tenanao, Miangavy, mitalaho, Ka iteneno, Tompo ô ! Aoka re ho tena taho Izay mikambana aminao. Ka ny foko halalaho, Diovy ho Tempolinao.Dieu de gloire Bir Qudaıǵa senem degenniń, bolady basy - Isa Másih Tuhan, Engkaulah Hadir Ti voglio dir la storia nfsy yạrb О'нун Севгиси Помолись за меня друг мой милый Peuple de Dieu, lève tes yeux Sláva Ti patří Юрагимда
Song not available - connect to internet to try again?