Yaşamağa güc ver mənə. Yaşamaqçün heç taqətim qalmayanda, Şəkk-şübhələr daxilimə zərbə vurub, Parçalayıb, dağıdanda yaşamağa güc ver mənə. Hər cür çətin anlarımda, ey Allahım, Yalvarıram ver gücündən, ver mənə bol, Mənimlə ol, mənimlə ol. Yaşamağa güc ver mənə. Bu günümü, sabahımı ancaq Sənə həsr eyləyim, Ürəyimi qurbangahın üzərinə, Həyatımı əllərinə verə bilim. Yerdəki yaşayışımla Əbədi rahatlığı qazana bilim, Sən mənim köməkçim, havadarım ol, Mənimlə ol, mənimlə ol. Yaşamağa güc ver mənə. Mənimlə birlikdə çörək bölən dostum Rəqib olub bu dostluğu unudanda, Diləyirəm, qoyma məni tənhalıqda. Güc ver mənə unutmayım Sənin məni sevdiyini tək qalanda, Əziz dostum, sirdaşım ol, Mənimlə ol, mənimlə ol. Yaşamağa güc ver mənə. Ən ağır, ən çətin anımda belə Dilimdən izzət düşməsin. Ata məhəbbətini göstərdin mənə, Övladlıq borcum qalmasın. Sənə qovuşmağa can atıram mən, Sən burda bələdçim, Sən rəhbərim ol Mənimlə ol, mənimlə ol.Lurianne Dit Rëen Мы дети Небесной Страны لا للعالم أنا رافض องค์พระวิญญาณ New Start Szerettelek már Kita Ini Seperti Bunga-bunga Крила It Is Well With My Soul Přijď Pane
Song not available - connect to internet to try again?