Iza no hiara-dia Ho arý an-danitra, Ka hanaiky sy ho tia An'Andriamanitra ? Ry mikatsaka ny To, Atolorinao ny fo ; Izao tontolo izao ario, Ka ny lanitra fidio. Sao ho lany amin'ota Ny anjara andronao, Ka ny helo valin'ota No hanjary lovanao ; Miovà re hatrizao, Miverena hianao ; Tadiavinao tokoa Ny Mpamonjy Tompo soa. Mba avia, mianara Izay fitondrantena vao ; Mikeleza aina tsara, Ka reseo ny nofonao, Aza mba mamindra fo Amin-dratsy ao am-po, Fa ongoty avokoa Izay misakana ny soa. Tsy mba misy lalan-kafa Hiakaranao ho ao, Koa andeha manahafa Ny nataon'ny Tomponao. Tsy mba mahavonjy anie Ny fahaizan-dehibe ; Raha ny nofo no hajaina, Dia ho very re ny aina. Dia ny lanitra katsaho Ho anjara lovanao ; Ny Mpamonjy angataho Ho mpitarika anao ? Fa izay mpianany Dia hotantanany Iza no hiara-dia ? Mitsangàna ka avia !Jarylqashy, jan-dúnıem В часы тревог унынья и сомненья Chceš v mládí svém být křesťanem Любви святой дыханье سبحي الرب Есть то чего никто отнять не может ياللي أمامك حياتي నా బ్రతుకే నాకు భారం Дуулал 133 - Харагтун, Ах дүүсийн хувьд Այցելում Ես Ինձ
Song not available - connect to internet to try again?