A lawite mi sangkhat tawh;
Nun nawpna zu a dawn lai un
Thudik Bu-a zik guolin;
Nunnuoma a um laiun,
Lal In lopi tak sungah;
Maksan lauhna'n a hung dim tau,
Ziechuh banga khut ahi.
"Na ting puoi!" ti'n zik ahi dem?
"Ginum!" ti'n ahi zaw dem?
Banga chu khutin a zik laiin.
Mipite ma a dingin;
Lal chapo chuh a hilhgaih a,
A thil hihkhelh haw ziekin;
Thudik chuh a simdawka
Mi cheng sietna ding thu chuh,
"Tu'n Lalgam chuh a bei eitai"
Banga khut zik chun a tii.
Gunchuhna leh hansanna;
Thagau in Daniel a piek chuh,
A hatna thuguk ahi;
Judia gama a In leh,
Sal a hihna mun ale;
A Pathien in banga A zik!
Chuh chien takin a hethei.
Khut khatin a zik zing;
Migilo, na lung Isu pie'n,
A Lal thupieka khunin;
A ni chuh a hung nai tai,
Mitin, chungah tung intin;
Migilo thiemloh chansakna,
Bang achun kizik ina!